Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Páll Magnússon er orðinn þreyttur á að vera á bekknum.


Ekki byrjuð að ræða málefnin Ræða bara um hásætið


„Nei, við erum ekkert farin að ræða málefnin ennþá. Þetta eru bara óformlegar viðræður um það hver eigi að verða forsætisráðherra.

Ég vil fá að verða forsætisráðherra. Sigurður Ingi vill fá að verða forsætisráðherra. Og Bjarni Ben vill fá að verða forsætisráðherra. Reyndar vill Páll Magnússon líka fá að verða forsætisráðherra, en það er nú bara algjörlega óraunhæf óskhyggja hjá honum sko“, segir Katrín Jakobsdóttir í viðtali við Gys.is


„Ef við náum að ákveða hver verður í aðalhlutverki, þá er næsta mál að finna nafn á stjórnina. Mín hugmynd er að stjórnin heiti „Kata og karlpungarnir“, en strákunum líst frekar illa á það. Páll Magnússon vill að stjórnin heiti „Palli var einn í heiminum“, en það er nú bara algjörlega óraunhæf óskhyggja hjá honum sko.“

Hver eru svo næstu skref?

„Ja, ef við náum að lenda þessum óformlegu viðræðum, þá er næsta mál á dagskrá að hefja formlegar viðræður, og þá mun ég fara fram á að fá stjórnarmyndunarumboð hjá forsetanum. Bjarni Ben vill líka fá slíkt umboð. Reyndar vill Páll Magnússon líka fá stjórnarmyndunarumboð, en það er nú bara algjörlega óraunhæf óskhyggja hjá honum sko.“

Það er því ljóst að þessar óformlegu viðræður snúast eingöngu um stóla og fólk, en ekki málefni. Gys.is mun að sjálfsögðu flytja fréttir af viðræðunum, svo framarlega að eitthvað fréttnæmt gerist.

Reyndar vill Páll Magnússon fá að flytja þær fréttir, en það er bara algjörlega óraunhæf óskhyggja hjá honum sko.






„Löggulíf“






Fara efst á síðu