10 atriði sem benda til þess að þú sért samfylkingarvera

Arion banki græddi ekki nógu mikið Arion banki græddi tvö þúsund og eitthundrað milljónir í apríl, maí og júní, eða sjö hundruð milljónir hvern mánuð.

Benedikt Gíslason, bankastjóri Arion banka, segir þetta skelfileg tíðindi, því á sama tíma í fyrra hafi bankinn grætt þrjú þúsund og eitthundrað milljónir, sem sé miklu meira.

Það eru allir jafn jafnir í jafnaðarmannaflokknum

10 atriði sem benda til þess að þú sért samfylkingarvera Eða tilheyrir jafnaðarmannaflokki Íslands

Í Samfylkingunni eru allir jafnir, en þó engir jafnari en þeir sem eru jafnastir. Ef þér finnst æðislegt að vera alveg nákvæmlega jafn jafn og allir hinir, þá er þetta trúlega flokkurinn fyrir þig.
Sem fyrr, þá duga 3 atriði til að gera þig að samfylkingarveru.

10. Þegar minnst er á stefnumál Samfylkingarinnar, þá segirðu gjarnan að þau séu gríðarlega skýr. Samfylkingin sé nefnilega „klassískur jafnaðarmannaflokkur“. Þér finnst óþarfi að ræða það frekar.

9. Þú ert með umræðublæti á háu stigi. Elskar nefndir og ráð, samráðs- og umræðuhópa, flokksþing, málþing, málstofur, hönnunarkeppnir, undirskriftasafnanir og skýrslugerð. En þér finnst leiðinlegt að framkvæma.

8. Þú tekur aldrei niður kynjagleraugun. Ekki einu sinni þegar þú sefur.

7. Helstu áhugamál þín eru þétting byggðar og léttlestakerfi. (Af því að það er svo gamaldags að segja „sporvagn“)

6. Þú ferð í ljós þrisvar í viku og/eða ert með hárið þitt á heilanum.

5. Allir stofnanalegir frasar eru í gríðarlegu uppáhaldi hjá þér, svo sem „kjarabarátta kvennastétta“, „stoðir samfélagsins“, og „samræðustjórnmál“, en efst trónir þó orðið „kynbundið“.

4. Þú ert hópsál, og tekur þátt í öllum bylgjum sem skekja samfélagsmiðla. Núna ertu t.d. með regnbogamynd af þér á Facebook.

3. Hópsálarheilkennið teygir anga sína um alla tilveru þína. Þú ferð ekki ein/n út að skokka, heldur ert í hlaupahóp. Allt þitt félagslíf er þannig þaulskipulagt og sett í viðeigandi hólf. Einveran hræðir þig svo mikið að þú getur ekki einu sinni farið ein/n í bað. Þess vegna ertu tíður gestur í sundlaugum landsins.

2. Þú veist ekkert fallegra en norræna samvinnu, og í leyni læturðu þig dreyma um að búa í norræna húsinu.

1. Þrátt fyrir að þú skilgreinir eigin tilvist út frá fanatískum áhuga þínum á ESB, þá ertu skyndilega orðin/n efins um aðild Íslands, eftir að í ljós kom að Angela Merkel er norn sem borðar börn.

Tengdar greinar:
Er framtíðin svo björt að þú sefur með sólgleraugu?
Getur verið að barnið mitt sé pírati?
10 atriði sem benda til þess að þú sért bæði vinstri og græn/n
10 atriði sem benda til þess að þú sért sjálfstæðismaður
10 atriði sem benda til þess að þú sért framsóknarmaður

Flokkar

Dagsannar fregnir Hörmuleg tíðindi af Ragnari Róbertssyni Sportlegar íþróttir Pólitík og smá stjórnmál Hámenning og fagurfræði Samfélags- og fjölmiðlar Ótrúleg trúmál Hátæknileg vísindi og vandaðar kannanir Fjölfréttir Utan hlandssteinanna