Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Íslenskur titill myndarinnar á ekki í nánu sambandi við innihald hennar.


Húsflugur hugsanlega á Akureyri Neyðarástandi lýst yfir


Neyðarástandi hefur verið lýst yfir á Akureyri eftir að sögur fóru að berast af því að hugsanlegt væri að húsflugur hafi sést í bænum í sumar.

Svo illa hittist á að Borgarbíó var nýbúið að frumsýna myndina „The Fly“ eða „Hamingjusama húsflugan“ eins og hún kallast í íslenskri þýðingu.


Í myndinni verður Jeff Goldblum fyrir þeirri óheppilegu lífsreynslu að breytast í risavaxna húsflugu sem gleypir í sig vini og vandamenn.

Mikil skelfing hefur því eðlilega gripið um sig meðal bæjarbúa og langar raðir myndast hjá Magga Sko, sem rekur Meindýra- og partíbúð Akureyrar og nágrennis.

„Sko já sko. Margir sko eru að kaupa flugnaspaða sko, en sumir sko bara tennisspaða sko eða steikarspaða sko,“ segir Maggi.

Maggi segist ekki hafa hugmynd um af hverju húsflugur kunni mögulega að hafa sést í bænum, né hvernig sé réttast að bregðast við þessum erfiðu tíðindum.

„En sko eitt sko veit ég sko. Það er sko aldrei verra að sko kaupa sér partíhatt sko. Þeir sko eru sko einmitt á tilboði sko núna um versló sko.“

Frétt RÚV






Herrann í Hádegismóum...






Fara efst á síðu