Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Páll Magnússon og Páll Magnússon. Fréttin fjallar að einhverju leyti um annan hvorn þeirra.


Flokkstengsl Páls voru helber tilviljun Og lögbrotið þ.a.l. líka


Lilja Alfreðsdóttir segir það ekki hafa skipt neinu máli að Páll Magnússon sé framsóknarmaður þegar hún fylgdi ráðleggingum ráðningarnefndar um að ráða hann sem ráðaleysis- og ráðuneytisstjóra ráðuneytis síns.

Hún segir að nefndin hafi strax komist að þeirri augljóslega réttu niðurstöðu að Páll hafi verið áberandi hæfastur ef ekki hæfastastur. Sjálf hafi hún ekki einu sinni vitað að Páll væri framsóknarmaður, né heldur að í hæfisnefndinni sjálfri sem hún skipaði einnig, væru eingöngu framsóknarmenn.

Hún segist varla hafa vitað að hún sjálf væri í Framsóknarflokknum, en þó rámað í það.

Lilja segist varla trúa því að hún hafi gerst lögbrjótur, því hún sé sennilega besti og flottasti ráðherra mannkynssögunnar. Að eigin sögn er hún fagmanneskja fram í fingurgóma. Hún segir að allt sem hún geri sé bæði ákaflega faglegt og fallegt.

Að auki sé hún æðislega skemmtileg og lygilega góð í fimleikum.

Lilja segir að þó hún hafi vissulega brotið jafnréttislög, þá hafi það verið óvart en á sama tíma auðvitað alveg sérlega fagmannlegt.

Hún segir líklega ástæðu þess að hún skipi alltaf framsóknarmenn í öll embætti einfaldlega vera þá að henni finnist þeir almennt mun hæfari en annað fólk, þó þeir séu það ekki.

RÚV






Eldhúsdagsdansinn






Fara efst á síðu