Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Þrotlaust þvaður er í hávegum haft hjá Ríkisútvarpinu.


Fleiri andlát vegna Silfursins en Covid19 Næstum orðið jafn leiðinlegt og Vikan með Gísla Marteini


Að minnsta kosti 13 einstaklingar létust úr leiðindum yfir Silfri dagsins á RÚV.

Að auki er fjöldi fólks illa haldinn eftir að hafa horft á óskapnaðinn.


Ekki er ljóst hvort andlátin bar að vegna óhóflegra leiðinda Ágústar Ólafs eða vegna þess hversu gjörsamlega óþolandi Sigríður Andersen er.

Líklegast er að samanlögð leiðindi þeirra hafi magnað upp undirliggjandi leiða fólks og leitt til þessarar hörmulegu niðurstöðu.

Þeir sem lifðu þann hluta af áttu þó ekki von á góðu, því þrotlaust þjóðarstoltið og kexrugluð kínaaðdáunin sem vall upp úr Ólafi Ragnari hefur eflaust gert útslagið hjá flestum.

Landlæknir hefur gefið út appelsínugula viðvörun vegna dagskrár RÚV. Oft hefur hún verið leiðinleg, en aldrei sem nú.

Dagskránni hefur nefnilega ekkert verið breytt þrátt fyrir að faraldurinn hafi öllu breytt.

Enn eru íþróttafréttir á hverjum degi þó engar íþróttir séu stundaðar og sama gildir um Júróvisionþætti þó ekkert sé nú Júróvisionið.

Landlæknir segir best fyrir þorra fólks að gera hvað sem er annað en að glápa á sjónvarpið.

Það geti hangið í símanum, troðið sig út af kjötbúðingi eða lagt stund á óhóflega dagdrykkju.






„Löggulíf“






Fara efst á síðu