Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Bjöggi og Steini á góðri stundu við sjávarsíðuna


Nýr forstjóri Samherja lítið skárri en sá gamli Annað hvort illa gefinn eða illa innrættur


Björgólfur Jóhannsson, núverandi leppsforstjóri Samherja og nýnemi í Spuna 101 ver nú lögbrot fyrirtækisins með kjafti og klóm. Aðallega þó með kjafti. Frámunalega fávitalegum kjafti, svona ef út í það er farið.

Hann segir ekkert benda til þess að lögbrot Samherja séu ólögleg. „Sérstaklega ekki í svörtustu Afríku þar sem engin lög gilda og enginn skilur neitt í neinu af því að allir tala hrognamál og dansa saman regndansa allsberir að ofan og neðan í kringum skurðgoð með skarð í eyra og þannig,“ eins og hann orðaði það sjálfur.

Björgólfur segir að jafnvel þó fyrrverandi forstjóri og skósveinar hans hafi „lent í því að greiða mútur“ þá sé heldur ekkert sem segi að það sé raunverulega ólöglegt þó að lög kunni að kveða á um annað.

Að auki hafi Samherji ekki bara greitt mútur í útlöndum, heldur hafi fyrirtækið greitt fúlgur fjár til Sjálfstæðisflokksins og Morgunblaðsins og þess vegna gildi almenn lög hvorki um Samherja né stjórnendur þess.

Að lokum segir Björgólfur hátíðlegur á svip að Kristján Þór sé ekki bara fullkomlega hæfur sjávarútvegsráðherra heldur áberandi hæfasti ráðherra í heimi. Veiðigjöld séu allt of há og gras sé bleikt, blátt eða fjólublátt, eftir því hvernig á það er litið, en alls ekki grænt.

RÚV






Herrann í Hádegismóum...






Fara efst á síðu