Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Bermúdaskjölin já. Skyldi kannski einhver eiga silfurskeið á Bermúda ... hm?
Þannig að Inga Sæland er ekki sextug blind kelling úr Breiðholtinu, heldur 58 ára sjónskert kona úr Grafarvogi...

Þá er það komið á hreint.

Næsta mál?
Ég minnist þess ekki að ég muni til þess að minni mitt minnist þess að ég muni til þess að ég hafi munað eitthvað um minningar mínar sem ég man ekkert um.

En ég man þó, að ég man ekkert, og er þess fullviss að enginn man neitt annað en það sem ég man ekki um ekki neitt.
Bjarni Benediktsson harðneitar því að hafa gerst sekur um hótanir og tuddaskap. Þar með er það auðvitað fullsannað. Hm ... eða hvað?
Þannig að þingheimur fer bara beint aftur í sumarfrí.

Ætli það sé ekki betra að hafa þetta lið á launum við að gera ekkert, frekar en að gera tóma vitleysu?
Fjármálaráðherrann lýsir yfir stríði gegn svarta hagkerfinu og frændi hans, forsætisráðherrann, verður gráhærður á einni nóttu ... hm?
Assgoti var þetta stutt sumar í ár :(

En það er allt í lagi. Við getum yljað okkur næstu daga við að rífast um Júróvisíon.
Ég varð voða glaður þegar ég sá að í stað Gísla Marteins yrði landsleikur á RÚV.

En svo var leikurinn svo leiðinlegur að ég steinsofnaði og ekkert varð úr kvöldinu.

Þetta kennir manni að maður á aldrei að gleðjast, allavega ekki yfir dagskrá RÚV.
Enn setur Sigmundur Davíð heimsmet. Fyrst setti hann heimsmet í útgöngu í Wintris viðtalinu, og sló það met svo sjálfur í Háskólabíói í dag.

Vigdís Hauks fékk sér heila tvo löggilta skjalaþýðendur, Mr. Google og Mr. Translate. Hm... Örugglega úrvalsmenn báðir tveir.
Júlíus má muna Vífil sinn fegurri. Enda hefur hann lítið fram að færa annað en Vífillengjur.

Hann ætti kannski að bjóða sig fram til forseta, svo við getum kosið hann á Vífilstaði.

Sjúkdómar grassera á bananaplantekrum, en ekki í íslenskum gróðurhúsum. Hm ... þá hlýtur Ísland að verða stórasta bananalýðveldi í heimi.
Forseti var spurður hvort hann hefði greind á við górillu og svaraði: Nei, nei, nei. Svo kom í ljós að hann misskildi spurninguna. En misskildi ég þá svarið? Hm ...?
Hamingju-Hrólfur Ölvaðsson á fyrirtæki sem heitir Björgun. Gat hann virkilega ekki notað það til að sleppa frá Panama?
Forsetakosningar, já...? Við Ólafur Ragnar erum auðvitað frændur, en ég er bæði eldri og reyndari.
Þingkosningar í haust, hm ... Er það ekki pólitískur ómöguleiki?
Sigmundur Davíð plataður í viðtal hjá sænska sjónvarpinu og spurður spurninga, sem hann hafði ekki samið sjálfur! Er þetta nú ekki aðeins of ósvífið?
Sé formanni vantreyst, skal varaformaður víkja. Notaleg tilfinning að sumt breytist aldrei.
Hillary með eins atkvæðis forskot á Bernie Sanders eftir nákvæma talningu í Iowa. Þarf hún ekki að leita ráða hjá Árna Páli?
Steinþór Pálsson, bankastjóri Landsbankans, segir að þó það sé auðvelt að vera vitur eftir á, þá sé jafnvel enn auðveldara að vera vitlaus fyrir fram.

Hann segir jafnframt að starf bankastjóra felist að mestu í því að samhæfa þessa tvo liði.
Íslendingar hætta við að verða heimsmeistarar í handbolta og flóttamenn hætta við að koma til Íslands. Hmm ....
Íslenska málverndunarnefndin var að skila af sér skýrslu um stöðu og framtíð íslenskrar tungu.

Skýrslan var á ensku.
Í aukafréttatíma á rás 2 í gærkvöld fékk vaktstjóri almannavarna þá spurningu, hvers eðlis flest útköll björgunarsveitanna hefðu verið.Hann sagði að þau hefðu flest verið „veðurtengd“.
Nú vilja meira að segja Framsóknarmenn losna við Vigdísi Hauks og finna henni eitthvað annað að gera. Þurfum við ekki að eiga sendiherra í Norður-Kóreu ...?
Utanríkisráðherra ætlar að leggja niður Þróunarsamvinnstofnun, en finnur hana hvergi. Hann fór til Ísafjarðar, en framsóknarmenn þar höfðu ekki séð hana. Ekki heldur framsóknarmenn á Sauðárkróki. Nú var hann að koma frá Brüssel, en þar fann hann ekki einu sinni framsóknarmenn.
Er ekki rétt að breyta nafni Kjararáðs í Ofurkjararáð?


Fara efst á síðu