Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Fékk þrjár óskir á gamals aldri
Öskubuska, sem allir þekkja af ævisögu hennar sem margoft hefur verið gefin út og á sínum tíma metsölubók jól eftir jól, er nú orðin 185 ára og býr alein í höllinni sinni ásamt gamla kettinum sínum, honum Brandi.

Prinsinn hennar og allir hinir eru fyrir löngu komnir yfir móðuna miklu. Öskubuska hafði hörmulega raunasögu að segja þegar Gysur Galan ritstjóri gys.is hafði samband við hana nýlega til að spyrja almæltra tíðida. Gefum Öskubusku orðið: 

- "Jú það var sko þannig sjáðu, Gysur minn, að skyndilega birtist álfamærin, sem hafði hjálpað mér hér í gamla daga. Og hún segir sko við mig: "Jæja Öskubuska mín. Þú ert nú búin að eiga gott líf og vera góð við alla í þína samferðarmenn. Vegna þessa ætla ég að gefa þér nýtt tækifæri. Ég ætla að gefa þér þrjár óskir." 

Nú, ég þakkaði náttúrulega voða vel fyrir mig og fór strax að hugsa um hvers ég ætti að óska mér. Ég var að vísu orðin svolítið kölkuð en mundi samt fljótlega að það var eitthvað farið að lækka í buddunni þannig að ég bað álfamærina að gera mig ríka. Um leið og ég sleppti orðinu breyttist gamli ruggustóllinn minn í gullstól, gluggatjöldin voru skyndilega orðin gullofin og allar hirslur fylltust af gersemum. 

"Jahérna, þabbarasvona!" sagði ég og tók bakföll af undrun og gleði. "Heyrðu elsku álfamærin mín góð. Næst held ég bara að ég biðji þig bara að gera mig svona unga og hressa eins og ég var í gamla daga!" Samstundis fór einkennilegur straumur um mig alla og alveg ótrúlegar breytingar urðu í líkamanum. Húðin varð mjúk og falleg, blóðið fór að ólga og löngu gleymdar langanir og þrár helltust yfir mig. Ég varð líka allt í einu eitthvað svo andstutt og ólgandi. Og samstundis datt mér síðasta óskin í hug: 

"Elsku besta álfamær, getur þú nú ekki breytt honum Brandi mínum í snarheitum í fallegan prins". 
Og viti menn. Gamli kötturinn minn, hann Brandur umturnaðist á svipstundu og breyttist í svo fallegan prins að jafnvel fuglarnir á himninum féllu í yfirlið þegar þeir sáu hann. 

Brandur prins gekk strax til mín og ég fleygði mér í fang hans og við kysstumst lengi og ástríðufullt. Þegar kossinum loksins linnti og Brandur prins var búinn að ná andanum, þá spurði hann: "Sérðu eftir því núna að hafa látið gelda mig hér um árið?"






Íhuga að breyta gangi klukkunnarRíkisstjórn Íslands íhugar nú bæði í gríni og af fullri alvöru að breyta gangi klukkunnar. Nokkrar hugmyndir eru uppi á borðinu, hver annarri betri.

Ein hugmyndin er sú að lengja sólarhringinn um eina klukkustund eða svo. Þá hafi fólk meiri tíma til að vinna.

Önnur hugmynd er að stytta sólarhringinn um allt að tólf klukkustundir, svo fólk hafi ekki tíma til neins nema að vinna. Að auki verður þá enginn tími fyrir fólk til þess að kvarta undan ríkisstjórninni.
„Löggulíf“






Fara efst á síðu