Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Hjartnæmt bréf frá elskandi móður
Kæri sonur.

Bara fáeinar línur til að láta þig vita að ég er enn á lífi. Ég skrifa þetta bréf mjög hægt vegna þess að ég veit að þú ert ekki mjög fljótur að lesa.

Ég er viss um að þú þekkir ekki húsið okkar aftur þegar þú kemur heim. Við erum nefnilega flutt.

Pabbi þinn er búinn að fá nýja vinnu. Hann var settur yfir 500 aðra. Hann vinnur við að slá grasið í kirkjugarðinum.

María systir þín eignaðist barn í morgun en ég hef ekki frétt hvort það er strákur eða stelpa, þannig að ég veit ekki hvort þú ert orðinn frændi eða frænka.

Ég fór til læknis á fimmtudaginn og pabbi þinn kom með mér. Læknirinn setti eitthvað upp í munninn á mér og sagði mér að tala ekki í tíu mínútur. Pabbi þinn spurði lækninn hvort þetta áhald væri til sölu.

Frændi þinn drukknaði í síðustu viku. Hann datt ofan í viskítunnu í verksmiðjunni. Vinnufélagar hans reyndu að bjarga honum en hann barðist hetjulega gegn þeim. Líkið var brennt og það tók þrjá daga að slökkva eldinn.

Hér rigndi bara tvisvar í síðustu viku. Fyrst í þrjá daga, svo í fjóra.

Við fengum bréf frá kirkjugörðunum. Þar stóð að ef við borguðum ekki síðustu afborgunina af gröfinni hennar ömmu þinnar yrði hún grafin upp.

Þín elskandi
Mamma.


PS. Ég ætlaði að senda þér dálitla peninga, en mundi ekki eftir því fyrr en ég var búin að loka umslaginu.







Telur Miðflokksmenn talsvert undir meðalgreindPálmi Gestsson sem tók þátt í rannsókn Attenborough á Miðflokknum segir niðurstöðu rannsóknarinnar í senn sláandi og afgerandi.

Miðflokksmenn séu augljóslega langt undir meðalgreind, en kjósendur þeirra þó enn vitlausari.
xB 2014






Fara efst á síðu