Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Hin hliðin á Degi B. Eggertssyni
Með hárið á heilanum




Dagur þykir einstaklega hárprúður.




Hvernig hefur þú það Dagur?
Hárfínt.

Hvað ertu hár?
Já.

Uppáhalds lag eða tónverk?
Hárstíðirnar eftir Vivaldi. Hárpa er hárrétt hús fyrir flutning á slíkri tónlist. Annars er ég alæta á tónlist. Þoli að vísu ekki skallapopp.

Ertu í hljómsveit?
Já, ég er í Hárbandinu.

Uppáhalds íþróttamaður?
Hárlos Tevez.

Skemmtilegasta bíómyndin?
Hárið. 

Uppáhalds leikari?
Hárnold Schwarzenegger og Woody Hárrelsson.

Uppáhalds sjónvarpsefni?
Mér finnst nú hárgjaldið of hátt hjá RÚV, en ætli ég segi samt ekki háramótaskaupið. Ég hef svo gaman af svona hárbeittum húmor.

Hvaða íþróttafélag styður þú?
Hármann.

Uppáhalds staður?
101 takk fyrir! Ég fer helst aldrei upp fyrir Hártúnsbrekku, nema þá bara til að skella mér í Hárbæjarlaugina eða kíkja á Hárbæjarsafnið.

Áhugamál?
Veiði. En ég veiði eingöngu í hárnet. Oftast fer ég í veiði í Hárnessýslu.

Hvað er það klikkaðasta sem þú hefur gert?
Einu sinni fór ég í hárteygjustökk.

Hefur þú einhverja óvenjulega hæfileika?
Já, sumir sjá árur, en ég sé hárur.

Hvað er mikilvægast í rekstri borgarinnar?
Ég hef háralanga reynslu af sveitastjórnamálum og get svo sannarlega sagt að mér finnst mikilvægast að stjórnmálamenn séu ekki í eilífum hártogunum. Það þarf líka að sýna ákveðna háræðni í öllum rekstri. Svo er mikilvægt að það sé falleg mynd framan á hársskýrslunni. En allra mikilvægast er auðvitað að það sé geðveikt stuð á hárshátíðinni! 

Að lokum: Hvaða þrjá hluti tækirðu með þér á eyðieyju?
Þrjá hárblásara.

DV






Herrann í Hádegismóum...

Íhuga að breyta gangi klukkunnarRíkisstjórn Íslands íhugar nú bæði í gríni og af fullri alvöru að breyta gangi klukkunnar. Nokkrar hugmyndir eru uppi á borðinu, hver annarri betri.

Ein hugmyndin er sú að lengja sólarhringinn um eina klukkustund eða svo. Þá hafi fólk meiri tíma til að vinna.

Önnur hugmynd er að stytta sólarhringinn um allt að tólf klukkustundir, svo fólk hafi ekki tíma til neins nema að vinna. Að auki verður þá enginn tími fyrir fólk til þess að kvarta undan ríkisstjórninni.





Fara efst á síðu