Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Íslenska þjóðin fylgdist agndofa með lygaviðtali fyrrverandi forsætisráðherra fyrir rúmu ári.


Sigmundur Davíð tilnefndur til Emmy verðlauna Mikill heiður fyrir íslenska stjórnmálastétt


Sigmundur Davíð Gunnlaugsson, fyrrverandi formaður Framsóknarflokksins, núverandi formaður Framfarafélagsins, og goðsögn í lifanda lífi, hefur verið tilnefndur til Emmy verðlauna.

Sigmundur er tilnefndur í flokknum „Lélegasti lygarinn“. Það var átakanleg frammistaða Sigmundar í Panamaþættinum svokallaða sem skilar honum tilnefningunni.


Sérstaka athygli vakti að enska Sigmundar versnaði með hverri lyginni, og að lokum var hann orðinn nánast óskiljanlegur þar sem hann engdist um fyrir framan myndavélina, pikkfastur í eigin lygavef.

Sigmundur segir tilnefninguna mikinn heiður, ekki bara fyrir sig, heldur íslensku stjórnmálastéttina í heild.

„Það er alveg merkilegt hvað fámenn þjóð eins og okkar getur skarað fram úr á mörgum sviðum“, útskýrir Sigmundur rogginn á svip.

„Jafnvel á okkar tímum, þegar framboð af alls kyns fasistum og fávitum í stjórnmálum víðs vegar um heiminn hefur aldrei verið meira, þá tekst okkur samt að vera fremstir meðal jafningja“, bætir hann við.

Fréttaskýrendur telja þó flestir að Donald Trump muni bera sigur úr býtum, enda komast fáir með tærnar þar sem hann hefur hárið þegar það kemur að lélegum lygum.

Íslendingar geta þó huggað sig við það, að Sigmundur er hvergi nærri hættur að ljúga, og mun örugglega hljóta fleiri tilnefningar í náinni framtíð.






Herrann í Hádegismóum...






Fara efst á síðu