Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Brynjar hefur haft í mörgu að snúast undanfarið. Eiginlega of mörgu. Spurning um að gefa honum frí?


Brjálað að gera hjá Brynjari Níelssyni Í bókstaflegri merkingu


Brynjar Níelsson, þingmaður, hefur í ansi mörgu að snúast þessa dagana. Hasarinn byrjaði í síðustu viku, en þá voru jafnréttismál til umræðu á Alþingi.

Fátt finnst Brynjari ógeðslegra en tilhugsunin um jafnan rétt kynjanna. Hann ældi því stöðugt upp í sig alla vikuna, en kyngdi ælunni jafnóðum, þar sem hann nennti ekki fram á klósett.


Helgina byrjaði Brynjar svo á því að skella í sig risavaxinni og stútfullri vodkaflösku sem hann stal í Costco, til að halda upp á það að konan hans hefði fengið nýja og þægilega innivinnu með hjálp gjörspillts flokks hans.

Sú gleði breyttist hins vegar í brjálæðiskast af verri gerðinni þegar Brynjar gerði sér grein fyrir því að þjóðin væri ósammála honum og flokknum, og væri í raun á þeirri óskiljanlegu skoðun, að hæfni umsækjenda ætti að ráða för þegar það kemur að ráðningum á vegum ríkisins, frekar en flokksskírteini.

Brjálæði Brynjars fékk útrás á samfélagsmiðlum, þar sem hann úthúðaði ritstjóra Kjarnans af svo miklum móð, að hrokinn í blóði hans fór langt yfir hættumörk.

Það þurfti því að leggja Brynjar inn á gjörgæslu, og um tíma þurfti hann að fá bæði almennt velsæmi og mannasiði beint í æð, í stórum skömmtum.

Þegar Brynjar sneri aftur heim, eftir langa helgi á gjörgæslunni, var það hans fyrsta verk að hefjast handa við að rífa kjaft við öryrkja og aðra sem minna mega sín á samfélagsmiðlum.

Síðasta verk hans áður en þessi frétt fór í prentun, var að prenta út mynd af leiðtogum stjórnarandstöðunnar, og skeina sér á henni í beinni útsendingu á Facebook.

Gys.is þakkar íslenskum kjósendum kærlega fyrir að kjósa menn eins og Brynjar Níelsson á þing. Án hans og hans líka væru miðlar eins og Gysið ekki til.

Vísir






Íhuga að breyta gangi klukkunnarRíkisstjórn Íslands íhugar nú bæði í gríni og af fullri alvöru að breyta gangi klukkunnar. Nokkrar hugmyndir eru uppi á borðinu, hver annarri betri.

Ein hugmyndin er sú að lengja sólarhringinn um eina klukkustund eða svo. Þá hafi fólk meiri tíma til að vinna.

Önnur hugmynd er að stytta sólarhringinn um allt að tólf klukkustundir, svo fólk hafi ekki tíma til neins nema að vinna. Að auki verður þá enginn tími fyrir fólk til þess að kvarta undan ríkisstjórninni.
xB 2014






Fara efst á síðu