Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Ritstjórn Gys.is bakaði ananasböku í morgun í mótmæla- og hungurskyni.


Alvarleg valdníðsla forsetans vekur ugg meðal smekkmanna Virðist ekki skilja einföld mannréttindi, eins og ananas


Háæruverðugur forseti vor, og einn helsti þjóðhöfðingi Íslands að Sigmundi Davíð undanskildum, sem sé Guðni Th. Jóhannesson, fór laaaangt út fyrir valdsvið sitt í vikunni. Hann ákvað þá, fyrirvaralaust og án þess að gera sér nokkra grein fyrir afleiðingum gjörða sinna, að banna þjóð sinni alfarið að setja ananas á flatbökur sínar.

Guðni sagði að nú væri mjög í tísku í þjóðhöfðingjaklúbbnum að banna sem allra flest og mest, og þar sem sér hugnaðist illa að banna útlendinga, rigningu, eða krakkasokka, þá lægi ananasinn einkar vel við höggi.

Þjóðin hefur skiljanlega brugðist ókvæða við og er þegar hafin undirskriftasöfnun þar sem þess er krafist að forsetinn láti þegar í stað af embætti, fari í sjálfskipaða útlegð til Kanada, og snúi ekki aftur fyrr en hann sér villu síns vegar.

Prófessor í stjórnmála- og flatbökufræðum sem ekki vill láta nafns síns getið, en heitir Eiríkur Bergmann, segir að bannið hafi komið sér nokkuð á óvart. Það sé ekki bara andlýðræðislegt, heldur sýni svo ekki sé um að villast, að flatbökusmekkur forsetans sé fyrir neðan allar hellur, og á engan hátt boðlegur í hinum vestræna heimi.

Landsamband íslenskra flatbökubakara sendi frá sér harðorða yfirlýsingu í morgun, þar sem fram kemur að í mótmælaskyni verði allar flatbökur þaktar ananas og engu öðru, sama hvaða álegg viðskiptavinir kunna að panta.

Vísir







„Löggulíf“






Fara efst á síðu