Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Herra Fjarverandi segir að fréttamenn séu ótrúlega vondir við sig, líkt og landsmenn flestir.


Furðuleg framganga fréttamanns Ruddaleg og dónaleg framkoma segir fórnarlambið


Sigmundur Davíð Gunnlaugsson, betur þekktur sem „herra Fjarverandi“, segist eiga ótrúlega erfitt með að komast í almennilegt jólaskap, vegna þess stöðuga eineltis sem hann verður fyrir af hálfu fréttastofu RÚV.

„Nú síðast ruddist fréttamaður inn í 100 ára auka-afmæli Framsóknarflokksins sem ég hélt í herberginu mínu, og spurði mig spurninga án leyfis! Þessi óforskammaði fréttamaður hafði ekki einu sinni fyrir því að krjúpa á kné og kyssa á hönd mína, hvað þá að hann fylgdi góðlátlegum leiðbeiningum sem ég hef margítrekað sent til allra fréttamanna landsins, þar sem ég útskýri að þeir þurfi skriflegt leyfi í þríriti fyrir því að ávarpa hinn háæruverðuga sjálfan mig!

Nei, nei, þessi ruddalegi og dónalegi fréttamaður ruddist bara inn með rudda- og dónaskap, og horfði beint í augun á mér, eins og það megi bara, og spurði mig svo bara þar sem ég stóð, algjörlega óundirbúinn og allt og ekki búinn að semja nein flott svör!“

Sigmundur hefur farið fram á að stofnuð verði óhlutlaus og ófagleg rannsóknarnefnd framsóknarnefnd til að skoða málið og loka RÚV og leggja það svo þráðbeint niður í kjölfarið.

Í staðinn skal opnuð sérstök Sigmundar-Davíðs-stöð í herberginu hans, þar sem hann mun sjálfur ástunda húslestur af miklum móð. 

Þar hyggst hann lesa skemmtileg og mikið stílfærð Wintris ævintýri fyrir landsmenn, á milli þess sem hann fer yfir 100 ára sögu Framsóknarflokksins, og eldar alls kyns lambaskanka og sviðalappir. Allt saman í næstum því alveg beinni útsendingu.






Eldhúsdagsdansinn






Fara efst á síðu