Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Sumir útlendingar eru gulir, og passa þess vegna illa við Ísland, af því að Ísland er ekki gult sko


Gys.is mun fjalla um þróunaraðstoð Svo fremi að greiðslur berist tímanlega


Forsvarsmenn Gys.is skrifuðu fyrr í dag einhliða undir tvíhliða samning þess efnis að Gys.is birti reglulega fréttir um hina frábæru þróunaraðstoð Íslendinga, og fái greiddar tíu milljónir á ári fyrir viðvikið.

Hjá Gys.is verður lögð höfuðáhersla á fréttir um hjartagæsku íslenskra stjórnvalda og þá þróunaraðstoð, sem fram fer hér innanlands, svo sem þá miklu aðstoð, sem ljúfir lögreglubangsar veita útlenskum barnafjölskyldum, sem hingað kunna að villast með vegna vankunnáttu eða óhagstæðra hafstrauma.

Þessar fjölskyldur eru aðstoðaðar á afar nærgætinn hátt við að komast aftur heim til Sýrlands, Afganistan, Kakastan, Bombistan, og fjölmargra annarra landa, sem við vitum ekki einu sinni hvað heita. (Og ef við vissum það, þá myndum við ekki nenna að muna það. Enda eru öll þessi rússnesku útlendingalandanöfn svo flókin.)

Svo rík áhersla er lögð á manngæsku og hjartahlýju, að börn fá sérstaka aðstoð við að komast upp í flugvél um miðja nótt að næturlagi, til að þau þurfi síður að skammast sín fyrir heimskuna og fáfræðina frammi fyrir ágengum ljósmyndurum og fréttamönnum.

Þá standa yfir samningaviðræður við Jón Val Jensson guðfræðing, Snorra Óskarsson í Betel, og Helga Helgason hjá Íslensku Þjóðfylkingunni. Ætlunin er að þeir verði fastir pennar hjá Gys.is og riti lærðar greinar um aðferðir til að þróa trúvillta múslíma til sannrar kristni, þá þróunaraðstoð sem veita má kynvilltum hommum og lesbíum til að læra að bera kennsl á hitt kynið og síðast en ekki síst hvernig hægt er að gera brúna, svarta og gula útlendinga svo hrædda að þeir verði hvítir.

Lilja Dögg Alfreðsdóttir utanríkisráðherra hefur fyrir sitt leyti lofað því að múta verðlauna Gys.is með tíu milljónum á ári, svo lengi sem hún verður utanríkisráðherra og allir starfsmenn Gys.is eru flokksbundnir framsóknarmenn. Greitt verður bæði undir og yfir borðið, en aðallega undir. Samkvæmt samningi verður fyrsta og eina greiðslan millifærð með ásættanlega lögmætum hætti þann 1. apríl 2017.

RÚV






„Löggulíf“






Fara efst á síðu