Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Svona lítur aðalskipulag borgarinnar út í augnablikinu


Ósýnilega malbikið veldur vonbrigðum Hentar illa fyrir raunverulega umferð


Svo virðist sem ósýnilega malbikið sem Reykjavíkurborg hefur notað til viðhalds og endurnýjunar gatnakerfisins undanfarin ár „búi yfir afar takmörkuðum slitstyrk og komi einungis að raunverulegu gagni í réttu hlutfalli við þykkt þess“, eins og segir í frumathugunarskýrslu Vegagerðarinnar. 

Borgarstjóri leggur til að stofnuð verði ósýnileg nefnd til þess að fara yfir málið. Stefnt er að því að nefndin skili ósýnilegum niðurstöðum innan skamms.

Í fréttatilkynningu frá borgarstjóra kemur fram að raunverulegt malbik hafi þó verið lagt á alla hjólreiðastíga. Borgin hafi hins vegar greint ákveðið sparnaðartækifæri í ósýnilegu malbiki, og því hafi verið ráðnir ósýnilegir verktakar til verksins, í tilraunaskyni.

Þeir hafi einungis fengið greidd ósýnileg laun, og því hafi umtalsverður og raunverulegur sparnaður náðst fram í bókhaldi borgarinnar.

Búist hafi verið við því að í kjölfar þess að hjólreiðastígar hafi verið lagðir þvers og kruss um alla borg, myndu borgarbúar allir ferðast hjólandi, eða á fljúgandi einhyrningum, og því hefði ósýnilega malbikið átt að duga vel, ef ekki gott betur.

Fleiri nýstárlegar samgöngubætur eru fyrirhugaðar hjá borginni. Engar hraðahindranir verða framvegis innan borgarmarkanna. Í stað þeirra koma kærleiksfylltir konfektmolar. Hringtorg munu einnig heyra sögunni til, og munu ævintýralegir regnbogaslóðar fylla skarð þeirra.

VB






„Löggulíf“






Fara efst á síðu