Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Það var mikið fjör á kosningavöku Sigmundar.


Hefði hæglega getað náð 119,54% fylgi Og þannig slegið enn eitt heimsmetið


Sigmundur Davíð Gunnlaugsson, fyrrverandi formaður Framsóknarflokksins, og konungur yfir- og útstrikana, segir að hefði hann verið formaður, (sem hann ætti að vera ef ekki hefði verið svindlað á honum) þá hefði Framsóknarflokkurinn gjörsigrað í nýafstöðnum kosningum til Alþingis.

Hann segist vera búinn að reikna þetta allt út. Ekki bara í Excel, heldur líka í huganum, og jafnvel í maganum.

Sigmundur segir engan geta dregið vinsældir hans í efa. Þær séu líka trúlega heimsmet. Fjölmargir kjósendur hafi t.d. undirstrikað nafn hans í kosningunum, bara til þess að undirstrika hversu mjög þeir dýrka hann og dá.

Hann segist vonast til þess að forsetinn veiti sér stjórnarmyndunarumboð síðar í dag, þrátt fyrir að hann sé ekki lengur formaður Framsóknarflokksins. 

Þó að Framsóknarflokkurinn hafi vissulega tapað miklu fylgi, þá hafi hann sjálfur unnið glæstan persónulegan sigur, rétt eins og endranær.

Persónufylgi hans sé slíkt, að fólk úr öllum flokkum, og jafnvel utan flokka, muni flykkjast að til þess eins að fá að vinna undir styrkri stjórn hans.






Eldhúsdagsdansinn






Fara efst á síðu