Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Frambjóðandi sem ætti svona bíl og væri lunkinn píanóspilari myndi vera öruggur með 1. til 3. sæti


Flóknar reglur í flokksvali Samfylkingar Og misvísandi


Prófkjörsreglur Samfylkingarinnar hafa heldur betur slegið í gegn undanfarna daga, enda einstaklega skemmtilegar.

Það vakti t.d. athygli að Margrét Tryggvadóttir var færð úr þriðja sæti í það fimmta. Það kom til vegna þess að Margrét spilar ekki á píanó, og á ekki grænan bíl, en nauðsynlegt er samkvæmt reglunum að það sé að lágmarki einn píanóspilari á grænum bíl í fyrsta til þriðja sæti, og helst fleiri.


Mjög strangar reglur gilda einmitt um efstu þrjú sætin. Kona skal skipa eitt af þeim, og sömuleiðis skal vera einn karl að finna þar. Sá þriðji skal hvorki vera karl né kona, heldur eitthvað annað, t.d. köttur, bifreið, eða bara góð bók. 

Þrír efstu frambjóðendurnir skulu einnig vera á mismunandi aldri, hafa mismunandi tónlistarsmekk, og halda með mismunandi liðum í enska boltanum.

Allra best þykir ef þeir aðhyllast mismunandi trúarbrögð og/eða klæða sig furðulega, og mjög gott ef einhver þeirra er grænmetisæta, allavega að hluta.

Allar þessar reglur gilda þó að takmörkuðu leyti um sitjandi þingmenn, sérstaklega ef viðkomandi þingmenn eru karlkyns, hafa áður verið ráðherrar, eru eða voru skeggjaðir, og kunna að matreiða víetnamska prófkjörssúpu.

Mbl.is






xB 2014






Fara efst á síðu