Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Eins og sjá má getur berjaneysla verið æði varasöm


Lögregla handsamaði hættulegan glæpamann Hefur trúlega komið í veg fyrir fjölda dauðsfalla


Lögreglan á Austurlandi hafði hendur í hári stórhættulegs glæpamanns sem staðinn var að því að brugga krækiberjavín.

Hald var lagt á hvorki meira né minna en 95 lítra af þessum stórhættulega drykk. Sé svo mikið magn af krækiberjavíni drukkið í einum teyg, á viðkomandi á hættu að sprengja þvagblöðru sína, eða jafnvel að fá ógeð á krækiberjum.


Lögreglan hefur því að öllum líkindum komið í veg fyrir stórslys ef ekki dauðsföll. Hver veit nema börn hefðu getað komist í göróttar veigarnar, og þá þarf nú ekki að spyrja að leikslokum.

Uppruni berjanna er ekki þekktur, en líklegast þykir að maðurinn hafi fundið þessi krækiber í helvíti.

Glæpamaðurinn, sem er á sjötugsaldri, á yfir höfði sér lífstíðarfangelsi og/eða dauðarefsingu.

Lögreglan minnir á að öll bruggun og neysla á áfengum drykkjum er með öllu ólögleg. Þó má kaupa áfengi á uppsprengdu okurverði í þartilgerðum verslunum á vegum ríkisins.

RÚV






„Löggulíf“






Fara efst á síðu