Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Sameiginleg framboð auka framleiðni, draga úr sóun og einfalda kjörseðla.


Gríðarlegt offramboð af óspennandi frambjóðendum Heimsmarkaðsverð hríðfellur


Offramboð er á forsetaframbjóðendum um þessar mundir, en Ísland er sem kunnugt er stærsti forsetaframbjóðendaframleiðandi í heimi miðað við höfðatölu.

Áætluð landsframleiðsla á þessu ári er um 3,6 milljónir tonna. Heimsmarkaðsverð á forsetaframbjóðendum hefur lækkað um þriðjung það sem af er árs, og hefur verðið ekki verið lægra í fjögur ár. 

Framleiðsluaukning Íslands er meiri en búist var við, og í raun langt umfram raunverulega framleiðslugetu þjóðarinnar. Sérfræðingar telja að framleiðsla umfram eftirspurn verði um 5,1 milljón tonn þegar kosningaslagurinn nær hámarki.

Ekkert bendir til þess að frambjóðendamarkaðurinn nái jafnvægi í bráð. Næstum öll framboð eru rekin með tapi þannig að líklegt er að lokunum óhagkvæmra framboðseininga muni fjölga mjög í bráð.

Það þarf þó ekki nema eitt eða tvö spennandi og samkeppnishæf framboð til að ástandið gjörbreytist og að verð fari hækkandi á ný. Verst er að Íslendingum þykja engir einstaklingar forsetalegir fyrr en þeir hafa setið á forsetastóli árum saman.

Það eru því helst tveir núlifandi Íslendingar sem höfða til landans, en það eru þau Ólafur Ragnar Grímsson og Vigdís Finnbogadóttir. Aðeins annað þeirra er enn talið íhuga framboð.

Hvað er til ráða fyrir þá sem þegar hafa gefið kost á sér?

Ljóst er að greina verður rekstrarþætti og veltufjármuni núverandi framboða og finna leið til aukinnar framleiðni og straumlínustjórnunar.

Augljósasti hagræðingarkosturinn væri að sameina tvö eða fleiri framboð í eitt. Þannig gætu t.d. Ástþór Magnússon og Vigfús sjúkrahúsprestur boðið sameiginlega fram undir kjörorðinu „Kirkjum Bessastaði“.






Íhuga að breyta gangi klukkunnarRíkisstjórn Íslands íhugar nú bæði í gríni og af fullri alvöru að breyta gangi klukkunnar. Nokkrar hugmyndir eru uppi á borðinu, hver annarri betri.

Ein hugmyndin er sú að lengja sólarhringinn um eina klukkustund eða svo. Þá hafi fólk meiri tíma til að vinna.

Önnur hugmynd er að stytta sólarhringinn um allt að tólf klukkustundir, svo fólk hafi ekki tíma til neins nema að vinna. Að auki verður þá enginn tími fyrir fólk til þess að kvarta undan ríkisstjórninni.
xB 2014






Fara efst á síðu