Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Kári vill endurreisa íslenska heilbrigðiskerfið. En eingöngu í núverandi mynd á núverandi stað.


Versta staðsetningin sú eina rétta Allir aðrir kostir verða áfram óskoðaðir og þess vegna mun lakari


„Auðvitað vita allir að það er nánast sama hvar nýr spítali yrði staðsettur, það yrði alltaf betri staðsetning en sú sem varð fyrir valinu“, segir úrtölukór þeirra sem styðja núverandi staðsetningu nýs og gamals Landspítala.

Hins vegar er miklu mikilvægara að reisa nýjan spítala ofan á þeim gamla sem fyrst, en að velja réttan stað til framtíðar.

Stuðningsmenn gamals Landspítala á gömlum stað benda á, að þó þeir séu ófærir um að endurskoða hug sinn, þá hefðu þeir mögulega reynt það, ef það hefði verið einhver annar en Sigmundur Davíð sem síðast benti á hversu galið staðarvalið er. Enda séu allar hugmyndir sem frá honum koma svo galnar að það sé ekki einu sinni hægt að nota þær ofan á brauð.

„Þegar hann opnaði á sér trantinn, þá var endanlega ákveðið að standa við ákvörðunina um ákvörðunina að það sé of seint að breyta staðsetningu, af því að það er búið að ákveða að ákveða þennan stað“, segir kórinn í kór.

Íslenska þjóðin mun því neyðast til að halda sínu striki, og byggja ómögulegan spítala á ómögulegum stað. Aðallega svo það sé stutt að fara á milli húsa fyrir lækna sem kenna við Háskóla Íslands, en líka til að forðast barsmíðar frá Kára Stefánssyni, sem breytist í froðufellandi íslenskan og erfðagreindan Hulk, í hvert sinn sem málið ber á góma.






„Löggulíf“






Fara efst á síðu