Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Ragnarsbörn höfðu töluvert fyrir því að klæða sig upp á í tilefni dagsins, en allt til einskis.


Gleymdi að setja öskudagsmynd af börnunum á Facebook Er algjörlega miður sín, skiljanlega


Ragnar Róbertsson varð fyrir því mikla óláni í morgun að steingleyma að setja inn öskudagsmyndir af börnum sínum á samfélagsmiðla.

Ragnar segist ekki hafa áttað sig á mistökunum fyrr en hann kíkti á Facebook með morgunkaffinu sínu og drukknaði næstum því í öskudagsmyndum.


„Það þyrmdi bara yfir mig. Ég öskraði af skelfingu, og það helltust yfir mig áhyggjur af því að fólk héldi að ég væri hræðilegur faðir, og að mér væri alveg skítsama um elsku litlu dúlluskottin mín“, segir Ragnar

Börn Ragnars, Róbert (51) og Sigrún (44), eru að vonum óánægð með föður sinn. Þau segja að hann sé ótrúlega gamaldags risaeðla. Hann birti ekki myndir af matnum sínum á samfélagsmiðlum, né taki hann ræktarselfí.

Þau íhuga alvarlega að slíta öllu sambandi við hann, enda nánast ómögulegt að eiga í nútímalegum samskiptum við hann. Þau segja að það eina sem dugi sé að beita fornaldaraðferðum, svo sem að hringja, eða hreinlega fara í heimsókn.






Íhuga að breyta gangi klukkunnarRíkisstjórn Íslands íhugar nú bæði í gríni og af fullri alvöru að breyta gangi klukkunnar. Nokkrar hugmyndir eru uppi á borðinu, hver annarri betri.

Ein hugmyndin er sú að lengja sólarhringinn um eina klukkustund eða svo. Þá hafi fólk meiri tíma til að vinna.

Önnur hugmynd er að stytta sólarhringinn um allt að tólf klukkustundir, svo fólk hafi ekki tíma til neins nema að vinna. Að auki verður þá enginn tími fyrir fólk til þess að kvarta undan ríkisstjórninni.
„Löggulíf“






Fara efst á síðu