Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Gestir á hótel Grund geta fengið matarbakka sendan upp á herbergi


Auðveldara að græða á ferðamönnum en öldruðum Íslendingum Eðlilegt að gera arðsemiskröfur alls staðar


Búið er að breyta hjúkrunarheimilunum Ás í Hveragerði og Grund í Reykjavík í týpísk ferðamannahótel.

Ábúendur heimilanna hafa verið settir út á guð og gaddinn, og búið er að setja minibarsísskápa á öll herbergi og fylla þá af íslensku brennivíni og rækjusamlokum.


Gísli Páll Pálsson, sem situr í stjórn Áss og er jafnframt stjórnarformaður Samtaka fyrirtækja í velferðar- og ferðaþjónustu, segir að þetta sé gert af illri nauðsyn.

„Það er bara miklu meira upp úr því að hafa að leigja herbergi til ferðamanna en aldraðra og dasaðra. Okkur finnst ríkið ekki greiða nógu mikið með hverjum vistmanni, þannig að okkur er nauðugur einn kostur að fara þessa leið. Ef við ætlum á annað borð að vera virkir þátttakendur í túristagróðapartíinu og gera eðlilegar arðsemiskröfur“, útskýrir Gísli.

Kári Stefánsson brást ókvæða við þessum fréttum eins og öðrum og sagði að Gísli Páll sé eins og spikfeitur tveggja ára offitusjúklingur með mislinga og niðurgang. Að auki sé hann bæði ljótur og leiðinlegur. 

Kristján Þór Júlíusson, heilbrigðisráðherra er á önvderðum meiði við Kára. Hann hrópaði sjöfalt húrra og sagði að framtak Gísla Páls og félaga væri bæði stórkostlegt og til mikillar fyrirmyndar.

Í framtíðinni yrði mögulega hægt að hótelvæða fleiri staði og stofnanir, svo sem Ríkisútvarpið, Útlendingastofnun, og Hlöllabáta. 

Eins væri afar spennandi að nýta húsnæði Landspítalans sem ofurgróðahótel. Þannig væri hægt að reka heilbrigðiskerfið með gríðarlegum hagnaði.

Að sögn Kristjáns þurfa þessar breytingar ekki að koma sér illa fyrir sjúklinga. Hægt sé að koma þeim fyrir á þægilegum básum í fjósum víða um land.

Þar sé allt til alls, bæði mjaltavélar og hey, og meira að segja innbyggður flór.

RÚV






„Löggulíf“






Fara efst á síðu