Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Formaður Félags íslenskra leigubílstjóra segir að krafan hafi þegar verið birt í Taxatíðindum


Krefst þess að næsti forseti komi úr röðum leigubílstjóra Ekki leigubílaröðinni sem sé, heldur úr félaginu


Félag íslenskra leigubílstjóra hefur sent frá sér harðorða ályktun, þar sem þess er krafist að næsti forseti verði leigubílstjóri. Eða sem sé að leigubílstjóri verði kosinn sem forseti. Ef að svo verður ekki ætlast félagið ekki til þess að sá forseti sem verður kosinn, gerist leigubílstjóri. Bara til að taka af allan vafa.

Formaður félagsins segist „telja það óeðlilegt ef að næsti forseti tilheyri ekki Félagi leigubílstjóra, miðað við þá samfélagsgerð sem við búum við“.

Heyrst hefur að ýmis önnur félög, samtök, og félagasamtök, séu með samskonar ályktanir í vinnslu.

Þar má nefna félög eins og Félag opinberra starfsmanna á vestfjörðum, Félag dáleiðslutækna, og að sjálfsögðu Félag frímerkjasafnara, sem fagnar 50 ára afmæli sínu á næsta ári.

Formaður Félags eldri borgara í Garðabæ og annarra húsbílaeigenda vildi ekki tjá sig um málið að svo stöddu, en sagði þó að sér þætti eðlilegt að næsti forseti ætti, eða hefði átt húsbíl, og að hann væri kominn af léttasta skeiði.

Kjarninn






„Löggulíf“






Fara efst á síðu