Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Ólafur Ragnar er eini Íslendingurinn sem vitað er að verður ekki í framboði til forseta í vor.


Furðulegustu forsetakosningar mannkynssögunnar framundan Enda enginn Ólafur Ragnar í (fram)boði


Björg Thorarensen stjórnlagaprófessor segir að forsetakosningarnar í vor verði mjög líklega stórfurðulegar, og trúlega afkáralegar líka. Möglega verði þær bara alveg ömurlegar.

Hún segir það vægast sagt undarlegt, og jafnvel stórundarlegt, að ekki sé búið að ákveða hver verði sigurvegari, og þá í framhaldinu forseti.


Að auki hafi helmingur kjósenda aldrei tekið þátt í forsetakosningum þar sem Ólafur Ragnar hafi ekki verið efsti kostur á blaði. Það sé því raunveruleg hætta á að margir fyllist óvissu um framtíðina og fái kvíðakast í kjörklefanum. Sumir kunni jafnvel að bresta í grát, eða kúka á kjörseðilinn.

Fleiri hafa tekið í sama streng.

Stefanía Óskarsdóttir, dósent í stjórnmálafræði, bendir á að allt bendi til þess að allt bendi til að allt of margir muni bjóða sig fram.

„Það buðu 523 einstaklingar sig fram í síðustu kosningum á landsvísu“, útskýrir Stefnía og vísar til Stjórnlagaþingskosninga.

„Ef að frambjóðendur verða jafn margir núna, og fá nokkurn veginn jafnt fylgi, þá er ljóst að næsti forseti verður kjörinn með aðeins núll komma eitthvað prósent atkvæða á bak við sig, og núll komma núll prósent atkvæða framan við sig.“

Björg tekur undir með Stefaníu og segir að það sé allt of auðvelt að bjóða sig fram til forseta. Nauðsynlegt sé að torvelda forsetaframboð, t.d. með því að hækka nauðsynlegan fjölda meðmælenda, eða setja kröfur um lágmarkshæð frambjóðenda eða lágmarksgreind. Að sama skapi væri ráðlegt að gera einhverjar kröfur um almenna útlitsþætti.

„Ég vil t.d. alls ekki hafa feitan eða sköllóttan forseta“, segir Björg.

Ástþór Magnússon, eilífðarforsetaframbjóðandi, bendir á að hann sé alls ekki sköllóttur. Hann segir einnig að það skipti engu máli hversu margar undirskriftir meðmælenda verði farið fram á.

„Eftir því sem ég veit best, þá skrifa þessar undirskriftir sig sjálfar.“






„Löggulíf“






Fara efst á síðu