Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Eins og sjá má er íslenska súlan áberandi hæst


Íslenskir hjúkrunarfræðingar bæði hæstlaunaðir og launahæstir Ef réttum reikningskúnstum er beitt


Hannes G. Sigurðsson, aðstoðarframkvæmdastjóri FART (Félagssamtök allra reikningskúnstnera og túnfisksalatgerðarmanna), segir ýmsar leiðir færar til að láta líta út fyrir að íslenskir hjúkrunarfræðingar séu með hæstu laun í heimi.

„Einfaldasta leiðin er auðvitað að bera saman heildarlaun íslensks hjúkrunarfræðings í 200% starfi, við helming af launum sómalsks hjúkrunarfræðings sem er í 10% afleysingavinnu aðra hvora viku“, útskýrir Hannes spekingslegur á svip.

„En það eru til margar aðrar góðar og gildar aðferðir. Mér finnst t.d. mjög hentugt að skekkja súlur annarra þjóða í súluriti, þannig að þær líti út fyrir að vera lægri. Það má líka bara taka þær súlur út sem eru hærri en íslenska súlan. Svo er líka mikilvægt að reikna eingöngu laun, en ekki kaupmátt eða neitt slíkt. Af því að við notum sérstaka útgerðarútgáfu af matador peningum á Íslandi og þess vegna er kaupmáttur alltaf með allra lægsta móti hjá okkur.“

Hannes segir að fyrir utan leynilega túnfisksalatuppskrift með sterku hvítlauksbragði, þá séu slíkar reikningskúnstir með mikilvægustu vopnum samtakanna.

„Alveg tvímælalaust. Þetta snýst allt um að reikna sig að fyrir fram ákveðinni niðurstöðu. Það verður að beygja sannleikann aðeins svo hann verði alveg eins og við viljum hafa hann, skilurðu?“

Tímarit útgerðarmanna
Félag íslenskra hjúkrunarfræðinga






Herrann í Hádegismóum...

Íhuga að breyta gangi klukkunnarRíkisstjórn Íslands íhugar nú bæði í gríni og af fullri alvöru að breyta gangi klukkunnar. Nokkrar hugmyndir eru uppi á borðinu, hver annarri betri.

Ein hugmyndin er sú að lengja sólarhringinn um eina klukkustund eða svo. Þá hafi fólk meiri tíma til að vinna.

Önnur hugmynd er að stytta sólarhringinn um allt að tólf klukkustundir, svo fólk hafi ekki tíma til neins nema að vinna. Að auki verður þá enginn tími fyrir fólk til þess að kvarta undan ríkisstjórninni.





Fara efst á síðu