Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Hvað er að þessu?


Nóg komið af aumingjauppeldi Skortur á harðræði og líkamlegum refsingum í nútímauppeldi


Ragnheiður Stephensen, kennari og stuðbolti úr Garðabæ, er hneyksluð á linkind foreldra og almannavarna. Hún hefur fengið nóg af aumingjavæðingu samfélagsins.

Hún segir að smávegis lungnabólga sé bara hressandi fyrir börn, og þau hafi nú bara gott af því að missa nokkra fingur sökum kals.

Að sögn Ragnheiðar er eina leið þjóðarinnar út úr aumingjavæðingunni sú, að snúa aftur til fortíðar, og taka upp aukið kæruleysi og meiri aga, þegar það kemur að uppeldi starfskrafta framtíðarinnar.

„Í gamla daga var allt svo miklu betra. Þá voru öll börn rassskellt reglulega, alveg sama hvort þau áttu það skilið eða ekki. Og þá mátti líka reykja yfir börnum í vöggu, eða bíl. Maður þurfti ekki einu sinni að opna glugga.

Ef að ungbarn kúkaði á sig, þá nuddaði maður nefi þess upp úr kúknum, til að kenna því að nota kopp.

Og ef manni þótti börnin orðin full hávær, þá lét maður þau bíta í sápu, og skellti múl á þau, og hengdi þau svo á snúru úti í garði“, segir Ragnheiður máli sínu til stuðnings.

Hún tekur þó skýrt fram að þetta sé aðeins hennar persónulega skoðun. Hún hafi allt aðrar og miklu mildari skoðanir, sem kennari.

DV






Íhuga að breyta gangi klukkunnarRíkisstjórn Íslands íhugar nú bæði í gríni og af fullri alvöru að breyta gangi klukkunnar. Nokkrar hugmyndir eru uppi á borðinu, hver annarri betri.

Ein hugmyndin er sú að lengja sólarhringinn um eina klukkustund eða svo. Þá hafi fólk meiri tíma til að vinna.

Önnur hugmynd er að stytta sólarhringinn um allt að tólf klukkustundir, svo fólk hafi ekki tíma til neins nema að vinna. Að auki verður þá enginn tími fyrir fólk til þess að kvarta undan ríkisstjórninni.
Eldhúsdagsdansinn






Fara efst á síðu