Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Saltkjöt og baunir, túkall.


Hefur áhyggjur af vaxandi fordómaleysi Segir fordómafulla þó mæta vaxandi fordómum


Gústaf Adolf Níelsson telur að unga fólkið í Sjálfstæðisflokknum sé engan veginn nógu fordómafullt.

Að sama skapi telur hann að umburðarlyndi gagnvart fordómum sé á stöðugu undanhaldi í samfélaginu. 


Hann segist hafa orðið fyrir einkennilegu aðkasti og skrítnum skrílslátum á Landsfundi flokksins um helgina.

„Ég steig í pontu, og horfði yfir salinn með tilgerðarlegt glott á vörum, og brjálæðislegan umvöndunarglampa í augum. Svo benti ég félögum mínum réttilega á, að hvorki blökkumenn né múslimar sæktust eftir aðild að flokknum, hvað þá persónulegum vinskap við mig. Og þá varð bara allt vitlaust“, útskýrir Gústaf.

Hann segir að það versta sem flokkurinn geti gert, sé að eltast við nútímalegar skoðanir ungs fólks, sem ekki byggi á klassískum íslenskum gildum og þrautreyndri þröngsýni. 

„Gáfulegra væri að standa vörð um það sem reynst hefur okkur vel. Þar má nefna óhóflega neyslu sviða og saltkjöts, skammdegisþunglyndi, og morgunpiss í heita pottinum.“









Íhuga að breyta gangi klukkunnarRíkisstjórn Íslands íhugar nú bæði í gríni og af fullri alvöru að breyta gangi klukkunnar. Nokkrar hugmyndir eru uppi á borðinu, hver annarri betri.

Ein hugmyndin er sú að lengja sólarhringinn um eina klukkustund eða svo. Þá hafi fólk meiri tíma til að vinna.

Önnur hugmynd er að stytta sólarhringinn um allt að tólf klukkustundir, svo fólk hafi ekki tíma til neins nema að vinna. Að auki verður þá enginn tími fyrir fólk til þess að kvarta undan ríkisstjórninni.
„Löggulíf“






Fara efst á síðu