Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Ásmundur er einn af allra fremstu skynjurum þjóðarinnar, eins og sjá má.


Ásmundur skynjar ótta eldri borgara Er sjálfur fullkomlega ótta- og fordómalaus að venju


Ásmundur Friðriksson, þingmaður Sjálfstæðisflokks, gagnfræðingur, og verkefnastjóri Ljósanætur 2006, segir það fráleitt að hann skynji eigin útlendingaótta.

„En ég skynja samt að það óttast margir svona útlendinga, því þetta er allt öðruvísi fólk en ég, ég meina öðruvísi en við Íslendingar. Ég skynja það alveg“, útskýrir Ásmundur og setur upp skynjunarsvip sinn.


„Svo skynja ég það rosalega sterkt, að fyrir marga eldri borgara er það erfið tilhugsun að rekast kannski á einhvern útlenskan útlending úti á götu, í réttum, eða í Bónus. Einhvern sem er bara allt öðruvísi en ég, ég meina öðruvísi en við Íslendingar. Kannski með öðruvísi hár, og mögulega fullkomlega áhugalaus um handbolta, kindabjúgu, og arfleifð Ólafs Ragnars. Svo gæti viðkomandi einstaklingur, ég meina útlendingur, meira að segja verið öðruvísi á litinn en ég, ég meina öðruvísi á litinn en við Íslendingar. Eldri borgarar óttast allt svona, ég skynja það mjög vel“, segir Ásmundur að lokum, örmagna eftir allar (of)skynjanirnar.

Eyjan






Eldhúsdagsdansinn






Fara efst á síðu