Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Árni Páll lokar alltaf augunum þegar hann fer í ímyndunarleik


Stefnuræða forsætisráðherra, saman og sundurtekt Hvað sögðu þau helst


Sigmundur Davíð Gunnlaugsson flutti stefnuræðu sína í gærkvöld, við mikinn fögnuð landsmanna allra. Víða var poppað, og óstaðfestar fregnir herma að einhverjir einstaklingar hafi jafnvel gengið svo langt að fá sér ískalt gosglas, þó langt sé enn í helgina.

Gys.is hefur tekið saman kjarnann úr ummælum þingmanna og ráðherra, og er hægt að lesa samantektina hér að neðan.


Sigmundur Davíð Gunnlaugsson sagði, að þrátt fyrir að hann hafi verið greindur með stórfellda söfnunarárátturöskun, þá sé hann þó hættur að safna skuldum. Í staðinn ætlar hann að safna peningum.

Árni Páll Árnason nýtti sinn tíma að mestu í það að ímynda sér að allir í heiminum ættu heima á Vatnajökli. 

Katrín Jakobsdóttir spurði að því hvers vegna enginn hugsaði um börnin.

Bjarni Benediktsson sagði að í nútímasamfélagi ættu allir að drekka mikinn bjór, og sýna alþingismönnum tilhlýðilega virðingu. Ekki endilega í þeirri röð.

Óttarr Proppé ítrekaði enn og aftur þá afstöðu sína að öll dýrin í skóginum ættu að vera vinir.

Birgitta Jónsdóttir benti á að forsetinn væri ekkert minna ruglaður nú en venjulega. Svo flutti hún frumsamið ljóð eftir sjálfa sig um litina í íslenska regnboganum.

Eygló Harðardóttir grátbað landsmenn um að kalla núverandi ríkisstjórn „ríkisstjórn heimilanna“. Hún sagði að þó það væri auðvitað mikið misnefni, þá hljómaði það svo vel.

Katrín Júlíusdóttir lýsti þeirri furðulegu afstöðu að sjúklingar ættu að fá lyf við hæfi, en ekki bara ódýrustu lyfleysu sem kostur er á.

Bjarkey Olsen Gunnarsdóttir sagði í stuttu máli að allt sé ómögulegt, og að Ísland sé á hraðferð til helvítis. 

Jón Gunnarsson sagði að ríkisstjórnin væri æðisleg, og allt að því ofurmannleg, en landsmenn flestir latir og leiðinlegir.

Brynhildur Pétursdóttir sagði að samvinna sé snilld, en framsóknarmenn ekki.

Ásta Guðrún Helgadóttir talaði mikið um lörellu (lögreglu). Hún setti einnig fram þá kenningu að þrátt fyrir að frelsissviptir einstaklingar séu viðkvæmur minnihlutahópur, þá eigi ekki að pynta þá mikið.

Ásmundur Einar Daðason tuðaði eitthvað um Evrópusambandið.

Sigríður Ingibjörg Ingadóttir talaði um húsnæði og peninga.

Steinunn Þóra Árnadóttir sagði „Ísland úr Nató, herinn burt!“

Sigríður Á. Andersen var á öndverðum meiði við Óttarr Proppé, og sagði mikilvægt að öll dýrin í skóginum séu óvinir.

Guðmundur Steingrímsson þakkaði ríkisstjórn Jóhönnu Sigurðardóttur fyrir frábært keppnistímabil. Hann sagði ekkert mál að gera Ísland best í heimi, bara ef allir fara að tala meira saman.

Helgi Hrafn Gunnarsson sagði rómantíska nostalgíu vera vont vandamál sem þó bæri að virða. Hann sagði einnig að Jesú Kr. Jósepsson væri fyrirmyndarnáungi, skarpskyggn gaur, og skemmtilegur í partíum.

Þegar umræðum lauk sagði Össur Skarphéðinsson að sér þætti rosalega gaman að tala, en ömurlegt að þurfa að hlusta á aðra.






Eldhúsdagsdansinn

Vonbrigði að enn finnist fólk með samvisku í VGKatrín Jakobsdóttir forsætisráðherra segir að það séu sér gríðarleg vonbrigði að Andrés Ingi Jónsson og Rósa Björk Brynjólfsdóttir, hafi ekki selt sálu sína og samvisku, eins og gert var ráð fyrir í stjórnarsáttmálanum.

Hún segir að það sé augljóst að þeir flokkar sem vilja sitja með Sjálfstæðisflokknum í stjórn þurfi að axla fulla ábyrgð á ráðherrum hans, sem og vanhæfni þeirra, axarsköftum og lögbrotum.





Fara efst á síðu