Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Mikill heiður fylgir því að hljóta Gullasnann.


Gullasninn loks veittur Margir kallaðir en fáir útvaldir


Þegar Edduverðlaunin, íslensku tónlistarverðlaunin, blaðamennskuverðlaunin, brautryðjandaverðlaunin, og eflaust fleiri slík verðlaun hafa verið veitt, er ekki úr vegi að verðlauna fólk úr fleiri kimum samfélagsins.

Niðurstöður dómnefndar:

Strætisvagnastjóri ársins er Finnbjörn Gunnarsson yngri. Hann týndi aðeins fjórum fötluðum einstaklingum, tveimur þeirra í minna en hálfan sólarhring.

Sigurður Einarsson hlaut þrjá titla og fálkaorðu í bónus. Hann er peninga- og drykkjumaður ársins, en einnig besti símavinurinn.

Fróði Frímann er frekjudallur ársins. Hann fór fram á það í fullri alvöru, að fá greitt fyrir vinnu sína á Eldsmiðjunni. Fróði var að sjálfsögðu rekinn fyrir frekjuna.

Rasskyssari ársins, nítjánda árið í röð, er Hannes Hólmsteinn. Hann lét sauma varir sínar fastar við hægri rasskinn Davíðs Oddssonar, til að tryggja að lengsti rasskoss sögunnar rofnaði ekki fyrir slysni.

Lögreglumaður ársins (2013) varð sá sem beitti norsku aðferðinni (hreinum ruddaskap) svo fagmannlega (miskunnarlaust) á ofurölvi og bjargarlausa konu, að hann hlaut dóm fyrir í hæstarétti, og var vikið frá störfum (rekinn með skömm). Í öðru sæti varð Biggi fordómalögga, en hann þótti skara fram úr í furðupistlaskrifum og sjálfhverfu.

Sigmundur Davíð gaf kost á sér sem forsætisráðherra ársins, forsætisráðherra aldarinnar, besti ósamstæði skóari ársins, sérfræðingur ársins í loftárásum, og margt fleira. Hann hlaut þó ekki náð fyrir augum dómnefndar.

Uppljóstrari ársins, sem og aðal gullasninn, er auðvitað Gísli Freyr Valdórsson. Í öðru sæti varð Sveinbjörg Birna.






„Löggulíf“






Fara efst á síðu