Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Gestir kirkjuþings voru „í stuði með guði“


Geggjað kirkjuþing Halelúja og amen


Gestir kirkjuþings voru sælir og rjóðir í lok dags, en einnig nokkuð rámir. Enda var mikið beðið og halelújað á kirkjuþingi ársins, sem þótti „alveg fáránlega vel heppnað“, svo vitnað sé í orð biskups.

Hanna Birna hélt magnað erindi, en brast í grát að því loknu. Aðallega vegna þess hvað allir eru endalaust vondir við hana, en líka af því að smurbrauðstertan var búin.

Þá var komið að herra frú séra Agnesi, biskupi, stórriddara og hrók alls fagnaðarerindisins.

Í ávarpi sínu sagði herra frú séra Agnes, að í ljósi nýlegra fregna af vopnakaupum lögreglunnar, þá vonaði hún að laganna verðir myndu gæta hófsemdar, þegar að því kæmi að drita niður landsmenn. Sérstaklega væri mikilvægt að meðlimir þjóðkirkjunnar yrðu ekki skotnir, eða allavega sem minnst. Öðru máli gegndi þó um ólukkufólkið í Vantrú. Gott væri ef lögreglan héldi vexti þeirrar hreyfingar í skefjum eins og kostur er. Mikilvægt væri einnig að lögreglan einbeitti sér að því í störfum sínum, að koma í veg fyrir páskabingó, í eitt skipti fyrir öll.

Reyndar var á þinginu sérstaklega samþykkt að meðlimir Vantrúar væru fávitar. Í ljósi nýlegra lagabreytinga var þeirri samþykkt þó breytt eftir mikið þref og þrefalda atkvæðagreiðslu. Í staðinn var tekið fram að um væri að ræða „einstaklinga með þroskahömlun“.

Að lokum var samþykkt með öllum greiddum og ógreiddum atkvæðum, og margföldum húrra- og halelújahrópum, að þjóðkirkjan þyrfti að fá miklu miklu miklu miklu miklu fleiri peninga, enda ekki hægt að meta til fjár þá andlegu leiðsögn sem kirkjan veitir þjóðinni.

Kirkjuþing






„Löggulíf“






Fara efst á síðu