Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Svona lítur sníkjudýrið út í smásjá


Stórhættulegt sníkjudýr á Íslandi Leiðir til breytinga á hegðunarmynstri


Vísindamenn hafa fundið stórhættulegt, en að sama skapi einkar athyglisvert sníkjudýr, sem virðist hafa náð bólfestu á Íslandi.

Fyrstu einkenni smits eru oftast nær mikill loforðaflaumur, ásamt óstjórnlegri löngun til að fara á hrægammaveiðar.

Næsta skref er óskemmtilegra. Þá versnar skap hins smitaða einstaklings mjög, og hátterni hans og hegðun einkennist af offorsi og sjálfsvorkunn.

Hann hefur þá allt á hornum sér, verður herskár og einstrengislegur, og fer einstaklega frjálslega með staðreyndir.

Til eru skjalfest dæmi um að þeir sem eru illa haldnir af sjúkdómnum hafi jafnvel flutt lögheimili sitt á eyðibýli.

Í verstu tilfellunum getur sjúklingurinn orðið óður í hangikjöt, orðið margsaga um menntun sína, eða jafnvel tekið upp á því að ganga í ósamstæðum skóm.






Íhuga að breyta gangi klukkunnarRíkisstjórn Íslands íhugar nú bæði í gríni og af fullri alvöru að breyta gangi klukkunnar. Nokkrar hugmyndir eru uppi á borðinu, hver annarri betri.

Ein hugmyndin er sú að lengja sólarhringinn um eina klukkustund eða svo. Þá hafi fólk meiri tíma til að vinna.

Önnur hugmynd er að stytta sólarhringinn um allt að tólf klukkustundir, svo fólk hafi ekki tíma til neins nema að vinna. Að auki verður þá enginn tími fyrir fólk til þess að kvarta undan ríkisstjórninni.
xB 2014






Fara efst á síðu