Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Páll Gíslason telur sig ekki hafa verið kosinn á þing


Þórsari var víst á fundinum segir Kristján Möller og segir hann hafa verið á mikilli Hreyfingu


„Víst var Þórsari á fundinum. Það þýðir ekkert fyrir hann að neita því,“ segir Kristján Möller, en Þór Saari hefur kvartað undan að hafa ekki verið boðaður á leynifund í Atvinnuveganefnd Alþingis.

Aðspurður segist Kristján hafa fengið Björn Val Gíslason í lið með sér og þeir hafi farið saman til Akureyrar í leit að Þór. „Hann var að vísu ekki samvinnuþýður, þannig að við neyddumst til að binda hann á höndum og fótum. Hann var líka á mikilli Hreyfingu allan tímann, þannig í mínum huga lék enginn vafi á því í hvaða flokki hann væri.“

Páll Gíslason þjálfari Þórs á Akureyri hefur aðra sögu að segja: „Ég vissi hreinlega ekki hvaðan á mig stóð veðrið, þegar ég var allt í einu kominn á nefndarfund á Alþingi. Ég ætlaði að útskýra að þeir hefðu gripið vitlausan Þór Saari, en þá settu þeir límband fyrir munninn á mér og sögðu að ég væri sko bara áheyrnarfulltrúi.“

Birni Val Gíslasyni vannst ekki tími til að tjá sig um málið, áður en Steingrímur J. Sigfússon kom og sótti hann.






Herrann í Hádegismóum...






Fara efst á síðu