Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Heimildarmyndin „Saga íslensku lopapeysunnar“ verður áfram sýnd í íslenskum bíóhúsum


Sambíóin fá ekki leyfi fyrir innflutningi kvikmynda Leyfilegt að sýna erlendar myndir, séu þær teknar upp á Íslandi


Kvikmynda- og skemmtimálaráðherra hefur hafnað beiðni um viðbótartollkvóta fyrir erlendar bíómyndir.

Sambíóin fóru fram á að fá að sýna nokkrar erlendar myndir, sem tilnefndar hafa verið til Óskarsverðlauna, á þeim forsendum að Íslendingar framleiddu lítið af slíkum myndum sjálfir.

En „ráðgjafanefnd um inn- og útflutning kvikmynda og annars skemmtiefnis, svo sem frisbídiska og hvalabjórs“, hafnaði beiðninni á þeim forsendum að tilteknar myndir hefðu ekki verið teknar upp á Íslandi, hvorki að hluta, né í heild, og hefðu enga skírskotun í náttúru landsins.

Sambíóin geta þó sýnt slíkar myndir, en þá þarf almenningur að greiða svokallað „miðahækkunargjald“, og verð á bíómiða með slíku gjaldi er um 14 þúsund íslenskar krónur.

Íslenskir bíógestir þurfa þó ekki að örvænta, því íslenska ríkið mun áfram niðurgreiða verð á bestu bíómyndir heims, The Secret Life of Walter Mitty og Börn náttúrunnar.

RÚV greindi frá.






Íhuga að breyta gangi klukkunnarRíkisstjórn Íslands íhugar nú bæði í gríni og af fullri alvöru að breyta gangi klukkunnar. Nokkrar hugmyndir eru uppi á borðinu, hver annarri betri.

Ein hugmyndin er sú að lengja sólarhringinn um eina klukkustund eða svo. Þá hafi fólk meiri tíma til að vinna.

Önnur hugmynd er að stytta sólarhringinn um allt að tólf klukkustundir, svo fólk hafi ekki tíma til neins nema að vinna. Að auki verður þá enginn tími fyrir fólk til þess að kvarta undan ríkisstjórninni.
Eldhúsdagsdansinn






Fara efst á síðu