Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Hinn dæmigerði kjósandi er talinn bera fulla ábyrgð á ástandinu


Hrikalegt ástand á RÚV Æði runnið á útvarpsstjóra og fleira starfsfólk


Mikið neyðarástand ríkir nú innan veggja Ríkisútvarpsins.

Páll Magnússon æðir um ganga, öskrar á fólk, og kallar það öllum illum nöfnum. 


Hann réttir öllum sem dirfast að líta í augu hans, fagurlega skreytt uppsagnarbréf, með afturvirkri launainnköllun.

Helgi Seljan vill ekki vera minni maður, eltir Pál á röndum og skellir hurðum, en deilir þess á milli skemmtilegum samsæriskenningum með samstarfsfólki sínu.

Að sögn heimildarmanns fréttastofu, er fólk almennt í taugaáfalli, og líkist ástandið einna helst einhvers konar samblandi af myndunum Titanic og Weekend at Bernie's.

Starfsfólk RÚV tekur mótlæti alla jafna mjög illa, enda á það ekki slíku að venjast. Flestir skjálfa því á beinunum, og hafa falið sig undir borðum, í kústaskápum, eða í herbergi prófarkalesara.

Páll mun þurfa að halda æðis- og uppsagnakasti sínu áfram um sinn, því enn skortir fé í ríkiskassann, til að ráða fleiri aðstoðarmenn fyrir ráðherra. Einnig á eftir að kaupa jólakonfekt fyrir Ólaf Ragnar, en það er stærsti einstaki útgjaldaliður hvers árs.

Skömmu áður en þessi frétt fór í prentun, bárust fréttir af slagsmálum milli Egils Helgasonar og Gísla Marteins. Þau snérust þó fljótt upp í ljóðalestur, kaffidrykkju, og axlanudd.

Það er því ómögulegt að segja hvernig þessi mál þróast, en ljóst er þó að kjósendur eru taldir bera fulla ábyrgð á þessu ástandi, rétt eins og öllu öðru sem úrskeiðis fer í samfélaginu.






xB 2014






Fara efst á síðu