Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Össur sendi leigubíl með tvö eintök af bókinni, ef ske kynni að við vildum lesa hana tvisvar


Össur gefur út æðislega bók Kom honum sjálfum á óvart hve frábærlega vel hún er skrifuð


Össur Skarphéðinsson hringdi í neyðarsíma ritstjórnar Gys.is klukkan 6 í morgun, var þá enn ekki farinn að sofa, og heimtaði að fá að kynna bók sína, „Ár dvergsins“.

Enginn var við á skrifstofunni, enda heilagur hvíldardagur.


Össur dó þó ekki ráðalaus, heldur las inn á alsjálfvirkt „talhólf“, sem við létum setja upp nýlega. Það er eins konar minnisbanki sem geymir rödd þeirra sem eiga við það samræður.

Við birtum hér að neðan það helsta sem fram kom í kynningu Össurar.



Að sögn Össurar er um að ræða samantekt á bloggfærslum hans, sem hann skrifaði í skjóli nætur, en var bannað að birta opinberlega.

Össur segir að Jóhanna Sigurðardóttir hafi ekki tekið í mál að hann „birti þetta fyllerísröfl“, á meðan hans flokkur væri við völd, og því hafi hann þurft að bíða með útgáfu pistlanna þangað til nú.

Össur segir einnig að það hafi komið sér skemmtilega á óvart hversu vel bókin er skrifuð, sem og hversu sanngjarn hann sé í bókinni, bæði við sjálfan sig og aðra.

Að lokum segir Össur orðrétt:
„Mest kom mér þó á óvart hvað bókin er stórkostlega fyndin, þó það eigi ekki að koma á óvart þegar maður hefur í huga hver höfundurinn er! En ég man mjög lítið eftir því að hafa skrifað þetta, þannig að margt þarna er alveg nýtt fyrir mér. Eitt af því sem kom mér t.d. algjörlega í opna skjöldu við lestur bókarinnar, var að sjá að ég hafi verið utanríkisráðherra! Ég man nú minna en ekkert eftir því! Það síðasta sem ég man, þó í þoku sé, er þegar ég var ritstjóri Þjóðviljans. Ætli sú staða sé ekki laus? Mér finnst nefnilega svo voðalega gaman að skrifa, sérstaklega um sjálfan mig, og helst á nóttunni.“

Pressan greindi einnig frá útgáfu þessarar merku bókar






Eldhúsdagsdansinn






Fara efst á síðu