Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Þórir rekur upp stór augu. Alltaf, allsstaðar.


Seldu alla miðana í skjóli nætur Vinir og vandamenn látnir vita


Þórir Hákonarson segir það fullkomlega eðlilegt að selja miða á landsleik Íslands og Króatíu í skjóli nætur.

„Það er fullkomlega eðlilegt!“, segir Þórir og rekur upp stór augu.


Þórir segir það einnig fullkomlega eðlilegt að „sérstakir vinir KSÍ“ hafi verið látnir vita af þessum furðulega sölutíma fyrirfram.

„Það er fullkomlega eðlilegt!“, segir Þórir og rekur upp stór augu.

Eins segir Þórir að það sé eðlilegt að KSÍ bjóði 200 heiðursgestum á leiki [uppfært: að auki fara 1500 miðar fara til styrktaraðila KSÍ!], og dæli í þá áfengi, en almennum áhorfendum sé stranglega bannað að hafa með sér bjór.

„Það er fullkomlega eðlilegt!“, segir Þórir og rekur upp stór augu.

Þórir tekur sérstaklega fram að það sé fullkomlega eðlilegt að reka upp stór augu í hvert sinn sem maður svarar spurningu.

„Það er fullkomlega eðlilegt!“, segir Þórir og rekur upp stór augu.

Í raun hefur Þórir aldrei orðið vitni að neinu óeðlilegu á lífsleiðinni.

„Aldrei!“, segir Þórir og rekur upp stór augu.






Íhuga að breyta gangi klukkunnarRíkisstjórn Íslands íhugar nú bæði í gríni og af fullri alvöru að breyta gangi klukkunnar. Nokkrar hugmyndir eru uppi á borðinu, hver annarri betri.

Ein hugmyndin er sú að lengja sólarhringinn um eina klukkustund eða svo. Þá hafi fólk meiri tíma til að vinna.

Önnur hugmynd er að stytta sólarhringinn um allt að tólf klukkustundir, svo fólk hafi ekki tíma til neins nema að vinna. Að auki verður þá enginn tími fyrir fólk til þess að kvarta undan ríkisstjórninni.
„Löggulíf“






Fara efst á síðu