Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Einbýlishúsið í Himnaríki 1


Vilja búa í Himnaríki Allir íbúarnir sannkallaðir englar


„Já, ég get staðfest að við sendum bæjarstjórninni bréf og kröfðumst þess að botnlanginn okkar verði látinn heita Himnaríki,“ segir Guðbjartur Guðfinnur Guðlaugsson guðfræðingur, sem nú býr í Suðurvangi 1 í Hafnarfirði.

Í botnlanganum standa 11 glæsileg einbýlishús, sem nú heita Suðurvangur 1-11 og Guðbjartur segir þau stinga mjög í stúf við önnur hús við götuna, enda búi þar bara venjulegt almúgafólk „og okkur er meinilla við að láta rugla okkur saman við einhvern sauðsvartan almúga, sem býr bara í venjulegum húsum, enda erum við í númer 1-11 öll mjög rík, gáfuð og glæsileg í útliti, rétt eins og húsin okkar,“ segir hann.

„Bæjarstjórnin bauð okkur heitin Glæsivangur, Hægrivangi, Vinstrivangi og Vangavelta, en okkur finnst ekkert annað koma til greina en Himnaríki. Það hefur líka þann kost að þá þurfum við ekki að flytja þegar við deyjum.“

RÚV greindi frá






Íhuga að breyta gangi klukkunnarRíkisstjórn Íslands íhugar nú bæði í gríni og af fullri alvöru að breyta gangi klukkunnar. Nokkrar hugmyndir eru uppi á borðinu, hver annarri betri.

Ein hugmyndin er sú að lengja sólarhringinn um eina klukkustund eða svo. Þá hafi fólk meiri tíma til að vinna.

Önnur hugmynd er að stytta sólarhringinn um allt að tólf klukkustundir, svo fólk hafi ekki tíma til neins nema að vinna. Að auki verður þá enginn tími fyrir fólk til þess að kvarta undan ríkisstjórninni.
xB 2014






Fara efst á síðu