Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Guðlaugur þjáist af krónísku væli


Allir vondir við Framsókn Aulalegt að gera grín að aulum


Guðlaugur G. Sverrisson segir að allir séu rosalega vondir við Framsóknarflokkinn.

Guðlaugur er sjálfur framsóknarmaður, og er þess vegna óánægður með þetta ástand.


„Þó að Framsóknarflokkurinn sé fullur af erki-aulum og gangi fyrir mútum, fyrirgreiðslu og helmingaskiptum, elski kindur meira en sjúklinga, sé á móti framförum og aðhyllist einangrunarstefnu, troði algjörlega ómenntuðu fólki í valdastöður, steli fiski frá þjóðinni, geri náttúrusóða að umhverfisráðherra, hafi alið bæði Finn og Halldór, vilji virkja hverja sprænu og sé hækja íhaldsins.... Þá er engin ástæða til að gera grín að okkur!“, romsar Guðlaugur út úr sér uns hann getur ekki haldið áfram, og neyðist til að draga andann.

„Manni getur nú sárnað, þó maður gráti ekki!“, bætir Guðlaugur við og brestur í grát.

Að sögn Guðlaugs, íhuga framsóknarmenn nú alvarlega að setja lög sem banna sérstaklega að grín sé gert að Framsóknarflokknum og meðlimum hans.

„Svona lög eru þegar í gildi til þess að verja kúgaða minnihlutahópa eins og trúaða, og til stendur að setja sams konar lög fyrir transfólk. Af hverju ekki Framsókn?“, spyr Guðlaugur, hringir á vælubílinn, og hverfur grátbólginn á braut.

Pistill Guðlaugs







xB 2014






Fara efst á síðu