Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Listin að ljúga er lífsins elixír, segir síra Guðni Þór


Sniðugast fyrir stjórnmálamenn að ljúga sem mest Gætu lært mikið af prestum


„Þó að stjórnmálamenn séu margir hverjir mjög færir lygarar, þá komast þeir ekki með tærnar þar sem prestar hafa hempuna!“, segir síra Guðni Þór Ólafsson, sóknarbrestur og lygamörður.

Síra Guðni Þór segir presta auðvitað ljúga miklu meira en venjulegt fólk, því þeir vinni jú við það.

Guðni Þór predikaði, messaði, röflaði, og talaði tungum, með klofinni tungu, í sérstakri Alþingismessu í gær. Hann krossaði þingmenn, hægri - vinstri, og í bak og fyrir.

Að því loknu sneri hann sér í hring, signdi sig, og skvetti heilögu vatni á illa anda sem höfðu hertekið sálir sjálfstæðismanna.

Í eldmessu sinni sagði síra Guðni Þór m.a:
„Þingmenn kunna að halda, að það sé það sama að vera ærlegur, og kindarlegur. En svo er alls ekki!

Að ljúga er fyndið! Hvað er sagan, annað en samtíningur af lygum, sem mannkyn hefur komið sér saman um að trúa?

Að ljúga, er eins og að fljúga á guðs bjúga. Hver flýgur með sínu nefi. Ég lýg reyndar aldrei sjálfur, en segi stundum ósatt.

Hver efast ekki stundum um eigin lygar? Það eru til hvítar lygar, svartar lygar, og meira að segja fjólubláar lygar í purpurarauðum lit!

Það getur verið mjög hátíðlegt að ljúga! Meira að segja úlfaldar ljúga, með sinni vélrænu hegðun og þessari fáránlegu kryppu á bakinu. Að guð skapi slíka skepnu er auðvitað lyginni líkast. Hver trúir á talandi snák? Allt í heiminum er lygi, nema það sem við kjósum að trúa. þess vegna trúi ég á lygina!“

Vísir greindi frá.






Herrann í Hádegismóum...






Fara efst á síðu