Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Ragnar fékk engar afmæliskveðjur


Fékk engar afmæliskveðjur Kann ekkert á Facebook


Ragnar Róbertsson átti stórafmæli í gær og varð skyndilega sjötugur.

Ragnar hafði hlakkað lengi til afmælisins, vaknaði snemma og settist við símann.

Þar beið hann spenntur eftir því að móttaka kveðjur frá vinum og vandamönnum í tilefni dagsins.


En aldrei hringdi síminn.

Ragnar áttaði sig ekki á því að nú til dags er afmæliskveðjum eingöngu komið til skila á Facebook.

Ragnar, áttaðir þú þig ekki á því að nú til dags er afmæliskveðjum eingöngu komið til skila á Facebook?

„Nei, ég kann voðalega lítið á þetta Feisbúkk. Ég á samt 6 vini, en ég veit eiginlega ekkert hvaða fólk þetta er, og enginn af þeim óskaði mér til hamingju.

Ég er búinn að senda fyrirspurn til Ögmundar. Ég bað hann um að athuga hvort ekki væri hægt að setja afmælissíu á internetið, þannig að fólk verði að hringja meira.“

Jæja, Ragnar minn. Til hamingju með daginn í gær!

„Takk!“






Íhuga að breyta gangi klukkunnarRíkisstjórn Íslands íhugar nú bæði í gríni og af fullri alvöru að breyta gangi klukkunnar. Nokkrar hugmyndir eru uppi á borðinu, hver annarri betri.

Ein hugmyndin er sú að lengja sólarhringinn um eina klukkustund eða svo. Þá hafi fólk meiri tíma til að vinna.

Önnur hugmynd er að stytta sólarhringinn um allt að tólf klukkustundir, svo fólk hafi ekki tíma til neins nema að vinna. Að auki verður þá enginn tími fyrir fólk til þess að kvarta undan ríkisstjórninni.
Eldhúsdagsdansinn






Fara efst á síðu