Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Björn Bjarnason er einstaklega kirkjurækinn. Helst vill hann sleppa því að fara heim milli messa.


Ráðherrar nenntu ekki í raðmessu Björn Bjarnason brjálaður


„Ég er nú orðinn hálfblindur, og auðvitað heyrnar-, tann- og vitlaus. En ég tel mig þó þekkja alla ráðherra í sjón. Ég sá engan!“, segir fyrrum aðalherforingi Íslands, Björn Bjarnason.

„Ég sá Árna Johnsen að vísu. En hann er líka orðinn svo feitur að það verður ekki framhjá honum litið, sama hvað maður reynir!

Það er til skammar að ráðherrar í jafn þjóðlegri stjórn og nýju þjóðlegu þjóðarstjórninni mæti ekki til messu! Kannski þeir vilji frekar fara í mosku! Helvítis heiðingjar allt saman!“


Raðmessudagskrá Skálholtshátíðarinnar var með eindæmum glæsileg, og því rétt hjá Birni að það verður að teljast furðulegt að enginn ráðherra hafi séð sér fært að mæta.

Dagskráin

Föstudagur
  • Hátíðin hefst með messu á föstudagsmorgni klukkan átta, og stendur messan til hádegis. 
  • Eftir stutt matarhlé hefst síðdegismessa, en hún stendur frá 13:00 til 18:00. 
  • Að síðdegismessu lokinni tekur við kvöldmessa, en henni lýkur um miðnætti, og hefst þá miðnæturmessa sem stendur til morguns. 

Laugardagur
  • Messustund verður frá 9 til 10, en að henni lokinni tekur við laugardagsmessa. 
  • Óvæntur gestaprestur kíkir á gesti í hádeginu, og messar yfir þeim. 
  • Eftir mat heldur laugardagsmessan áfram. 
  • Um kvöldið verður kvöldvekjumessa. Boðið verður upp á messuvín og oblátusalat. 

Sunnudagur
  • Dagurinn hefst með messutónleikum. 
  • Að þeim loknum verður útimessa sem stendur allan daginn og frameftir nóttu ef guð leyfir. 

Að auki verða aukamessur klukkan 10:00, 14:00 og 19:30 alla dagana.

Vísir greindi frá.






„Löggulíf“






Fara efst á síðu