Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Finnur Ingólfsson fékk ókeypis pizzu... Beint í andlitið!


Fékk myglaðan ost á pizzuna sína Og var svo hent út fyrir að vera ekki nógu frægur


Ragnar Róbertsson lenti heldur betur í hremmingum um helgina. Ragnar hafði lesið frétt Gys.is um stúlkukindina sem ætlaði að lifa á loftinu einu saman í mánuð.

Hann ákvað því að bregða undir sig betri fætinum og fá sér máltíð á Loftinu.


„Ég pantaði mér pizzu sem kallaðist Ostaveisla. Þegar þjónninn kom svo með hana, þá finn ég strax einkennilega lykt. Ég hélt fyrst að þjónninn hefði gleymt að fara í sturtu fyrir vaktina, en eftir að hann fór þá var lyktin enn til staðar.

Þá fóru nú að renna á mig tvær grímur. Þegar ég svo skoðaði pizzuna betur, þá sá ég að hún var þakin mygluðum osti!

Allir vita að mygla er stórhættuleg, svo ég fór strax að hugsa hvað ég ætti til bragðs að taka. Á meðan ég er að hugsa ráð mitt, þá kemur þjónninn og segir mér að hann verði því miður að henda mér út, af því að það sé frægur maður á leiðinni, og að hann þurfi endilega að fá mitt borð.

Nú var ég búinn að ákveða að best sé að fara með pizzuna til Heilbrigðiseftirlitsins til frekari rannsókna. Þannig að ég stend upp og gríp pizzuna með mér, en á leiðinn út þá hrasa ég og missi þessa ógeðispizzu beint í andlitið á manni sem var að koma inn. Þegar ég stend upp, þá sé ég að þetta er einn frægasti maður Íslands, sjálfur Finnur Ingólfsson! 

Hann var þá þessi frægi maður sem þurfti að fá sætið mitt. Ég hefði nú staðið upp fyrir honum ótilneyddur!

En ég var auðvitað alveg miður mín, svo ég gaf honum bara pizzuna. 

Þá gladdist hann mjög og muldraði eitthvað um að græða.“






„Löggulíf“






Fara efst á síðu