Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Heimili Ragnars er troðfullt af álfum


Eyddi öllum laununum sínum í álfa. Kurteisi kostar mikið.


Ragnar Róbertsson lenti heldur betur í hremmingum í gær.

Hann var að útrétta og sinna ýmsum erindum, víðs vegar um borgina.

„Hvar sem ég kom, og hvert sem ég fór, þá var ég umkringdur álfasölufólki“, segir Ragnar.


„Ég kunni nú ekki við annað en að kaupa álfhelvítið í hvert sinn sem ég rakst á sölumann.

Þegar ég hafði lokið öllum mínum erindum, þá var ég kominn með yfir 20 álfa!

Þegar ég komst loks heim, þá átti ég ekki nema tvö þúsund krónur til að lifa á, út mánuðinn.

En ég var varla kominn inn úr dyrunum þegar það var bankað. Og viti menn, var ekki álfasölumaður þar á ferð! Þar fóru sem sé síðustu krónurnar mínar“, segir Ragnar gjörsamlega miður sín og algjörlega bugaður.

„Ég sá ekkert annað ráð en að hringja upp á Vog í morgun, og panta mér vist þar. Ég hef reyndar aldrei smakkað áfengi, en þar fær maður þó frítt fæði og húsnæði!“






Íhuga að breyta gangi klukkunnarRíkisstjórn Íslands íhugar nú bæði í gríni og af fullri alvöru að breyta gangi klukkunnar. Nokkrar hugmyndir eru uppi á borðinu, hver annarri betri.

Ein hugmyndin er sú að lengja sólarhringinn um eina klukkustund eða svo. Þá hafi fólk meiri tíma til að vinna.

Önnur hugmynd er að stytta sólarhringinn um allt að tólf klukkustundir, svo fólk hafi ekki tíma til neins nema að vinna. Að auki verður þá enginn tími fyrir fólk til þess að kvarta undan ríkisstjórninni.
„Löggulíf“






Fara efst á síðu